إيطاليا و سويسرا

نوصل لمطار ميلان ويتم استقبالكم بسيارة خاصة، ونتوجه مباشرة للفندق لترتاحون بعد الرحلة وتستعدون لبداية رحلتنا الممتعة

نطلع بجولة ممتعة بباص “هوب أون هوب أوف” لنكتشف أهم وأشهر معالم مدينة ميلان، ونستمتع بكل زاوية فيها على راحتنا، مع إمكانية النزول والركوب بأي محطة تعجبكم طوال اليوم

خذوا راحتكم اليوم واستمتعوا بجمال كومو على طريقتكم الخاصة، سواء بجولة على ضفاف البحيرة، أو تجربة المقاهي والمطاعم المحلية، أو حتى استكشاف الأسواق والمحال اللي تعكس سحر المدينة

بعد ما تستمتعون بجمال كومو، تنتقلون بكل راحة إلى مدينة زيورخ الساحرة عن طريق القطار، في رحلة مريحة تمر بين مناظر طبيعية خلابة وأجواء أوروبية ساحرة

في الصباح، تنطلقون بجولة ممتعة إلى شلالات الراين، أكبر شلالات أوروبا، تستمتعون بجمال الطبيعة وصوت المياه المنعش، وتقدرون تاخذون صور تذكارية لا تنسى في هذا المكان المبهر، مع إمكانية ركوب القارب والاقتراب أكثر من الشلالات

اليوم بنخليه مفتوح لكم عشان تستمتعون بالتسوق على راحتكم في مدينة زيورخ. تقدرون تزورون شارع بانهوف شتراسه الشهير، أو تمرون على المجمعات الفخمة مثل غلوبوس وجيلمولي. واللي يحب الأجواء الكلاسيكية، لا يفوتكم تتمشون في البلدة القديمة وتكتشفون محلاتها المميزة

سواقكم الخاص بيكون بانتظاركم عند الفندق، ويوصلكم بكل راحة وسلاسة إلى المطار استعدادًا للرجعة لأرض الوطن. نتمنى لكم رحلة سعيدة ونشوفكم على خير في رحلاتنا الجاية ❤️