البوسنة 8 أيام المميز

نوصل لمطار سراييفو، ويكون في استقبالكم سائق خاص ينقلكم من المطار إلى الفندق، عشان ترتاحون وتجهزون لبداية رحلتكم في البوسنة بجو رايق ومميز

نطلع في جولة ممتعة نبدأها بزيارة الجبال الأولمبية ونستمتع بالمناظر الطبيعية والهواء النقي، بعدها نروح لشلال ليديتشي ونقضي وقت ممتع وسط الطبيعة، ونختم اليوم بزيارة نبع نهر البوسنة، من أجمل الأماكن اللي ممكن تسترخي فيها وتتمشى بين الأشجار والجداول

نبدأ يومنا بزيارة شلالات كرافيتسا الساحرة، نعيش أجواء الطبيعة والمياه المتدفقة والمناظر الخلابة، وبعد الجولة ننتقل إلى مدينة موستار ونبات فيها استعداداً لاكتشاف جمالها في اليوم اللي بعده

نطلع من موستار في جولة مميزة نزور فيها بلاغاي ونشوف نبع النهر والزاوية الصوفية المشهورة، بعدها نكمل لبوتشيتل، القرية التاريخية اللي تجمع بين الطابع العثماني والطبيعة الساحرة، ونقضي وقت ممتع بين الأزقة القديمة والمناظر الجميلة

نتوجه من الصباح إلى مدينة بيهاتش، وفي الطريق نوقف عند شلالات يايتسي ونستمتع بجمال الطبيعة والمنظر الخيالي للمياه، بعدها نزور البحيرات اللي حوالين المنطقة ونكمل طريقنا إلى بيهاتش، ونبات هناك استعداداً لجولات اليوم اللي بعده

نبدأ يومنا بزيارة شلالات شترباتشكي بوك، واحدة من أجمل وأقوى الشلالات في البوسنة، بعدها نكمل لجولة في جزيرة يابودي، ونستمتع بالطبيعة الهادية والمناظر الخلابة وسط الأنهار والأشجار

يوم مخصص للتسوق، نبدأ بمركز سراييفو التجاري ونتسوق من أشهر الماركات والعروض، وبعدها نروح لسوق شعبي ونعيش الأجواء المحلية ونشتري تذكارات ومنتجات تقليدية

سواقكم الخاص بيكون بانتظاركم عند الفندق، ويوصلكم بكل راحة وسلاسة إلى المطار استعدادًا للرجعة لأرض الوطن. نتمنى لكم رحلة سعيدة ونشوفكم على خير في رحلاتنا الجاية ❤️