تركيا 10 أيام المميز

نوصلكم من المطار ونوديكم للفندق في إسطنبول، ترتاحون وتبدون رحلتكم بأجواء مريحة ومرتبة

نطلع جولة مميزة داخل إسطنبول، نبدأها بزيارة حي بلاط (موقع تصوير مسلسل الحفرة)، بعدها نتمشى في حديقة بوتانيك الجميلة في بكركوي، ونختم اليوم بتسوّق رايق في مول فوروم إسطنبول

نزور القسم الآسيوي من إسطنبول، نبدأها بتلة العرائس ونستمتع بإطلالة بانورامية على المدينة، بعدها نتمشى في شارع بغداد الشهير، ونمر على قصر بيلر بي، وبعد الجولة نوصلكم لمدينة صبنجة استعداداً ليوم جديد هناك

نطلع في جولة طبيعية خلابة تشمل صبنجة ومعشوقية ونزورها شلالاتها وأجواءها الريفية الهادية، بعدها نكمل لقرية ناطور كوي ونعيش تجربة الريف التركي الأصيل وسط الطبيعة والجمال

نودع صبنجة ونتجه ليالوا، نزور فيها الحمامات الكبريتية ونستمتع بجو الاسترخاء والعافية، وبعدها نكمل طريقنا لبورصة ونبات هناك استعداداً لجولة اليوم اللي بعده

نبدأ يومنا في بورصة بجولة مميزة تشمل ركوب التلفريك والصعود لجبل أولوداغ، بعدها نمر على الشجرة المعمّرة ونستمتع بأجواء الطبيعة والمناظر الخلابة، واليوم كله بيكون مليان أنشطة وهواء عليل

نطلع من بورصة باتجاه مدينة إسكي شهير، نزور فيها قصر السندريلا ونستمتع بجمال المدينة وحدائقها ونهرها، وبعد الجولة نرجع لإسطنبول ونبات هناك استعداداً لباقي الرحلة

نزور بانوراما فتح إسطنبول ونعيش تجربة تفاعلية عن تاريخ الفتح، بعدها نطلع في جولة خاصة باليخت لمدة ساعة وسط مضيق البوسفور، ونختم اليوم بتسوق رايق في مول غلاطة بورت على البحر

يوم مفتوح تقدرون تستمتعون فيه بمرافق الفندق، سواء تبغون تسترخون، تسبحون، أو تجهزون نفسكم ليوم المغادرة بكل راحة

سواقكم الخاص بيكون بانتظاركم عند الفندق، ويوصلكم بكل راحة وسلاسة إلى المطار استعدادًا للرجعة لأرض الوطن. نتمنى لكم رحلة سعيدة ونشوفكم على خير في رحلاتنا الجاية ❤️