تركيا 8 أيام

نوصلكم من المطار إلى الفندق في طرابزون، حيث ترتاحون و تبدأون رحلتكم في المدينة الجميلة بأجواء مريحة ومميزة

نبدأ رحلتنا في طرابزون بزيارة قصر أتاتورك التاريخي، بعدها نروح لزيارة آيا صوفيا في طرابزون، ونطلع مرتفعات بوزتبة للاستمتاع بإطلالة ساحرة على المدينة والطبيعة. وفي نهاية اليوم نخصص وقتاً للتسوق في ميدان طرابزون للاستمتاع بالتجربة المحلية

نبدأ يومنا في أوزنجول بزيارة البحيرة المشهورة، بعدها نطلع للمطل ونشوف منظر بديع على المنطقة. بعدها نمر على مصانع الحلقوم ونشوف طريقة صنعه التقليدية. وفي آخر اليوم نروح للشلالات والنهر ونستمتع بالأجواء الطبيعية

نطلع في رحلة ممتعة لزيارة دير سوميلا التاريخي، بعدها نروح لجبال زيغانا ونستمتع بالأجواء الجبلية الباردة. نكمل رحلتنا لقرية هامسيكوي، المشهورة بحلوياتها. وفي آخر اليوم نروح لمغارة كاراجا ونشوف التكوينات الصخرية الرائعة داخلها

يوم حر بدون سيارة، تقدرون تستمتعون بجولة مشياً على الأقدام في المدينة، تستكشفون المعالم السياحية القريبة، أو تسترخون في الفندق وتستمتعوا بالمرافق الموجودة

نبدأ يومنا برحلة لمدينة إيدر ونتمتع بالأجواء الجبلية والمناظر الخلابة، بعدها نروح لريزا ونكتشف معالمها الطبيعية. نختتم اليوم بتجربة مثيرة في نهر فرتنة مع راحة وتجذيف (رافتينغ) في المياة السريعة، لتكون تجربة مليانة إثارة ومرح

اليوم مفتوح لكم بدون سيارة، تقدرون تمشون براحتكم في المدينة، تستكشفون المعالم السياحية القريبة، أو حتى تستمتعون بالراحة في الفندق وكل شيء حسب رغبتكم

سواقكم الخاص بيكون بانتظاركم عند الفندق، ويوصلكم بكل راحة وسلاسة إلى المطار استعدادًا للرجعة لأرض الوطن. نتمنى لكم رحلة سعيدة ونشوفكم على خير في رحلاتنا الجاية ❤️