تركيا 8 أيام (إسطنبول)

نوصلكم من المطار إلى الفندق، سواء كان فندق دوسو دوسي إسطنبول أو أي فندق آخر بنفس المستوى والتقييم، عشان ترتاحون وتبدون رحلتكم بأجواء مريحة

نبدأ اليوم بزيارة صبنجة ونستمتع بالمناظر الطبيعية الخلابة هناك، بعدها نتوجه إلى معشوقية ونشوف الشلالات الجميلة وأجواء الريف التركي الهادئة. في النهاية نكمل لزيارة ناطور كوي ونتجول في القرية الرائعة وسط الطبيعة

نروح للقسم الآسيوي من إسطنبول، نبدأ بزيارة تل العرايس عشان تستمتعون بأحلى إطلالة على المدينة، بعدها نروح لبرج البنت اللي يعتبر من أشهر المعالم في إسطنبول. نختتم اليوم بزيارة مول إعمار سكوير للتسوق والترفيه

نبدأ يومنا بزيارة منطقة السلطان أحمد، ونزور معالمها الشهيرة مثل آيا صوفيا وقصر توب كابيه. بعدها نروح نتمتع بجولة في مضيق البوسفور، ونعيش الأجواء البحرية الجميلة. وفي آخر اليوم، نروح للسوق المصري ونتسوق من أفضل المنتجات التركية

نبدأ يومنا بزيارة مصنع ومتحف الشوكولاتة، حيث نكتشف طريقة صناعة الشوكولاتة ونستمتع بتذوق أجود الأنواع. بعدها نروح نكتشف المدينة الإيطالية فينيسيا في إسطنبول، ونستمتع بالأجواء الرومانسية والجسور المائية

نبدأ يومنا بزيارة حي بلاط في الفاتح، وهو نفس الموقع اللي صور فيه مسلسل “الحفرة”، بعدها نروح لحديقة البوتانيك بارك ونستمتع بالأجواء الطبيعية والهدوء. في النهاية، نروح للتسوق في مول فوروم إسطنبول، اللي يضم مجموعة كبيرة من الماركات العالمية

يوم مخصص لعشاق التسوق، نبدأ بمجمع أوليفيوم آوت ليت اللي فيه تخفيضات على ماركات معروفة، بعدها نروح لمجمع غلاطة بورت ونستمتع بالتسوق على أطلالة بحرية رايقة، ونختم اليوم بزورلو مول اللي يجمع أرقى الماركات العالمية تحت سقف واحد.

سواقكم الخاص بيكون بانتظاركم عند الفندق، ويوصلكم بكل راحة وسلاسة إلى المطار استعدادًا للرجعة لأرض الوطن. نتمنى لكم رحلة سعيدة ونشوفكم على خير في رحلاتنا الجاية ❤️