جورجيا 8 أيام المميز

وصولكم إلى جورجيا ويكون بانتظاركم سائق خاص في المطار ينقلكم مباشرة إلى الفندق بسيارة مريحة. الإقامة في فندق Pullman Tbilisi 5* أو فندق ثاني بنفس المستوى والتقييم. تستلمون الغرفة وتاخذون وقتكم للراحة بعد السفر

نطلع في جولة سياحية خاصة بالسيارة لمدة 8 ساعات، نبدأها بزيارة جبال القوقاز الساحرة، ونستكشف مجموعة من المواقع الأثرية والمعالم التاريخية. بنستمتع بالطبيعة الخلابة والمناظر اللي تاخذ العقل، ومعاها بنلتقط أجمل الصور للذكرى بهالرحلة المميزة في جورجيا

بعد الإفطار ننطلق من تبليسي إلى باتومي بسيارة خاصة، ونستمتع بالطريق والمناظر الطبيعية على طول الطريق. عند الوصول نسكن في فندق JRW Welmond Batumi 5* بغرفة زوجية مطلة على البحر أو فندق ثاني بنفس المستوى والتقييم. بعد كذا تستلمون الغرف وتاخذون راحتكم استعداداً للأيام الجاية

نطلع بجولة سياحية خاصة بالسيارة لمدة 8 ساعات في باتومي، و نبدأها بزيارة شلال مخونساتي الساحر، وبعدها نكمل لجسر الملكة المشهور بإطلالاته الرهيبة. نختم يومنا بعروض الدلافين الممتعة، تجربة تناسب الكبار والصغار وتخلي اليوم مليان ذكريات حلوة

نبدأ يومنا بجولة سياحية خاصة بالسيارة لمدة 8 ساعات. نركب التلفريك ونشوف باتومي من فوق بمنظر بانورامي خرافي، بعدها نمر على ساحة أوروبا اللي تجمع بين الجمال المعماري والحياة الحيوية، ونختم جولتنا بزيارة مسجد أورتا جامي التاريخي اللي يعكس روح المدينة الثقافية

نودع باتومي اليوم ونتجه بسيارة خاصة من الفندق إلى تبليسي. بعد الطريق الجميل نوصل لفندق Gino Seaside 5* ونسكن في غرفة زوجية تشمل الفطور والضريبة. تستلمون الغرف وتاخذون راحتكم استعداداً لباقي الرحلة

اليوم مخصص للتسوق، نطلع بجولة بسيارة خاصة لمدة 8 ساعات نمر فيها على أشهر مولات تبليسي، وبعدها نروح للأسواق الشعبية اللي تلقون فيها كل شي من الهدايا التذكارية للأشياء التقليدية. يوم ممتع لعشاق التسوق وفرصة حلوة للتعرف على المنتجات الجورجية

سواقكم الخاص بيكون بانتظاركم عند الفندق، ويوصلكم بكل راحة وسلاسة إلى المطار استعدادًا للرجعة لأرض الوطن. نتمنى لكم رحلة سعيدة ونشوفكم على خير في رحلاتنا الجاية ❤️